اخر الاخبار
الرئيسية / مقالات / أحمد السنجيدي يكتب: معاك عينه دم عليها البوم عمرو دياب الجديد؟

أحمد السنجيدي يكتب: معاك عينه دم عليها البوم عمرو دياب الجديد؟

تقصد معاك اسطوانه او فلاشه او هارد عليه البوم عمرو دياب الجديد ؟ لا حضرتك انا اقصد عينه دم احمل عليها البوم عمرو الجديد .

للوهله الاولي يبان ان اللي بيقول الكلام ده مجنون او غير متزن ، لكن في الحقيقة ان الباحثين عملوا ده فعلا .

الموضوع ببساطه:

  • الصور و الملفات و الافلام علشان تحملها علي اي وسيله تخزين زي الاسطوانات او فلاشه بتتحول الاول ل اللغه اللي بيفهما ال ( processor ) و اللي بتترجم لرقمين بس هما 0 , 1 ، يعني علشان تحمل صوره علي اسطوانه ، بتتحول الي رقم كودي بيكون شكله زي كده ( 000100010101001 ) .
  • الانسان بيتكون من مجموعه اعضاء ( قلب ، رئه ، معده .. و غيرها ) و اي عضو بيتكون من انسجه ، و النسيج عباره عن مجموعه خلايا ، و بيدخل في تكوين الخليه مجموعه بروتينات و احماض نووية اسمها العلمي ( DNA ) . ال( DNA ) بتتحلل بلغه اسمها ال Genetic Code .

  • المتعارف عليه علشان اي اتنين يفهموا بعض و بيكونوا بيتكلموا لغه مختلفه( انجليزي و عربي ) مثلا ، يكون في وسيط ما بينهم ( مترجم ) .

  • الباحثين في جامعه هارفرد استخدموا برنامج اسمه CRISPR ك ( مترجم ) علشان يحولوا الملفات و الصور من اللغه ( 0 , 1 ) للغه ال ( DNA ) .

  • و فعلا نجحوا و حملوا ملف ( صوره ) علي عينه DNA و بعتوا العينه من امريكا ل لندن . و في لندن وصلت العينة و لما اتفرغت ظهرت الصورة بنفس وضوحها قبل تحميلها في امريكا علي عينه ال ( DNA ) .

** طيب و ده هيفيد البشرية في ايه ؟

  • العمر الافتراضي لوحدات تخزين البيانات زي ( الاسطوانات و الهارد ديسك ) بيكون من 5 ل 15 سنه تقريبا ، في عينات من ال DNA بتعيش 1000 سنه و اكتر .
  • تخزين البيانات بيكلف الحكومات والشركات و البنوك مبالغ بملايين الدولارات ، هيستغنوا عنها بعينه DNA .

  • ** شركه ميكروسوفت خاضت التجربة و فورا اشترت عينات DNA بتعيش اكتر 1000 سنه لتخزين البيانات .

    في النهايه ،
    دول العالم بتتابع بشغف التطور التكنولوجي الرهيب في مجال تكنولوجيا المعلومات و بيتواصلوا دائما مع الباحثين علشان يقدروا يطوروا انظمتهم من اخر نقطه وصلها العلم الحديث .

    ببساطه، أصبحت تكنولوجيا المعلومات كلمه السر في حل اغلب الازمات المعاصره ، ابتداء من التنمية الاقتصادية و الزراعة و الصناعة ، مرورا بتسهيل سبل القضاء علي الفساد وصولا لتوفير مساحات تخزين رقمية تعيش آلاف السنوات و توفر ملايين الدولارات .

    مهندس/ أحمد السنجيدي
    باحث في تكنولوجيا المعلومات والتنمية الاقتصادية

    شارك برأيك

    شاهد أيضاً

    #حازم_حسني يكتب: ويل للأمعاء الخاوية في #مصر

    كنت لا أصدق ما قيل في عهد #مبارك أن الأمريكان عندما يريدون تكدير معتقل لديهم في #سجن#غوانتنامو يرسلونه إلى …

    أضف تعليقاً

    لن يتم نشر عنوان بريدك الإلكتروني.